Teknikët e shkencës së jetës (përjashtuar mjekësinë) kryejnë një sërë funksionesh teknike për të mbështetur profesionistët e shkencave të jetës me kërkim, zhvillim, administrim, detyra të ruajtjes mjedisore në fusha të tilla si manaxhimi i burimeve natyrore, mbrojtja e mjedisit, botanika, zoologjia, bioteknologjia dhe biokimia, si edhe në bujqësi, peshkim dhe pyje. Teknikët në shkencat e jetës mund të punësohen në ferma ose kompani të mëdha bujqësore, si edhe në agjenci kërkimore dhe institucione shtetërore përgjegjëse për shkencat e jetës dhe zbatimin e parimeve të tyre në praktikë.
Kontrolluesin e Pagës
Detyrat
- Ndihmojnë në planifikimin, skicimin dhe realizimin e eksperimenteve
- Përgatisin, mirëmbajnë dhe kalibrojnë materialet dhe pajisjet për realizimin e testimeve, analizave dhe eksperimenteve
- Mbledhin dhe përgatisin mostra, rrisin kultura të ndryshme, të nevojshme për eksperimentet dhe testimet
- Kryejnë testime laboratorike rutinë
- Mbikëqyrin eksperimentet për të siguruar zbatimin dhe ndjekjen e procedurave të kontrollit të cilësisë së laboratorit dhe udhëzimeve të sigurisë
- Vëzhgojnë testet dhe analizat duke kryer llogaritjet përkatëse, regjistrimet dhe raportimet e tyre sipas metodave të përshtatshme shkencore
- Ruajnë, klasifikojnë dhe krijojnë katalogë me mostrat dhe kampionët
- Mbajnë shënime të detajuara për punën e kryer
- Zhvillojnë modele dhe analiza të të dhënave me anë të kompjuterëve dhe pajisjeve të tjera dixhitale
- Përdorin pajisje shumë komplekse dhe me fuqi të lartë për të kryer funksionet dhe detyrat e tyre
- Marrin pjesë në kërkimin, zhvillimin dhe prodhimin e produkteve dhe proceseve
- Mbajnë inventarin e pajisjeve dhe materialeve të laboratorit dhe sigurohen për sasitë e domosdoshme të tyre duke bërë porositë tek furnitorët
- Mirëmbajnë bazën e të dhënave të punës dhe projekteve të tyre