Pagesa e Papunësisë
Pagesa e papunësisë përfitohet nga punëmarrësit e siguruar me të pakten një vit kontribute të paguara të cilët nuk janë duke përfituar ndonjë pagesë tjetër (përveç paaftësisë së pjesshme), që janë të rregjistruar në zyrën e punës, dhe janë të gatshëm të marrin pjesë në trajnime.
Personat që:
a) pushojnë së qeni punëdhënës ose vetëpunës, b) largohen vullnetarisht nga puna, ose
c) kualifikohen për përfitimet e pleqërisë, të paaftësisë së plotë, familjare, ose të paaftësisë së përkohshme, nuk kanë të drejtë për përfitimet e papunësisë.
Përfitimet e papunësisë paguhen në varësi të kohëzgjatjes së kontributeve të sigurimeve shoqërore:
a) 3 muaj për të paktën 1 vit kontributesh,
b) 6 muaj për të paktën 3 vjet kontributesh,
c) 9 muaj për të paktën 5 vjet kontributesh,
d) 12 muaj për më shumë se 10 vjet kontributesh.
Pagesa e papunësisë është një vlerë bazë që paguhet deri në 12 muaj ose për një total prej 365 ditësh kalendarike nëse punëmarrësi i siguruar ka periudha të përkohshme punësimi. Pagesa e papunësisë duhet të mbulojë minimumin e standartit të jetesës sipas ligjit.
Pagesat suplementare të përfshira në pagesën e papunësisë janë 5% të pagesës së papunësisë, deri në 30% paguhet për çdo fëmijë në varësi nën moshën 10 vjeç. Suplementi reduktohet me 50% nëse njëri prind është i punësuar apo merr pension.
Përfitimet përshtaten çdo vit.
Burimi: Paragrafi 53-55 i ligjit nr. 7703/1993 "Për sigurimet shoqërore"
